INTERREG IIIA A Community Initiative which promotes cross-border, transnational and inter-regional co-operation in the European Union and its border regions. INTERREG IIIA supports joint Irish/Welsh projects with the aim of promoting the sustainable development of the cross-border region through an integrated approach to economic, social and environmental development

Polisi Amgylcheddol

Mae Prosiect Féile Clai’n dilyn polisïau sy’n ymroddedig i gynnal yr amgylchedd a lleihau ei effaith negyddol ar yr amgylchedd o’i gwmpas yn ogystal â’r amgylchedd ehangach.

1) Prynu/Caffael Cynhyrchion:

Wrth brynu bydd Prosiect Féile Clai bob amser yn ystyried unrhyw ffactorau ac effeithiau amgylcheddol sydd ynghlwm wrth y nwyddau dan sylw ac felly bydd yn:

• Sicrhau y bydd arbed ynni a chynaladwyedd adnoddau yn cael eu hystyried wrth gynllunio a gweithredu prosiectau cyfalaf.

• Sicrhau hefyd y defnyddir cynhyrchion ailgylchedig lle bynnag y bydd modd mewn prosiectau cyfalaf. 

• Prynu cynhyrchion pren gan gyflenwyr a gofrestrir dan gynllun Nod Coed Cymdeithas y Pridd lle bynnag y bydd modd.

• Prynu offer gweinyddol, e.e. papur/cerdyn, sy’n cael effaith gadarnhaol ar yr amgylchedd, e.e. sy’n ailgylchedig neu’n dod o ffynhonnell adnewyddadwy.

• Sicrhau nad yw defnyddiau/cemegau glanhau a ddefnyddir bob dydd gan y cwmni’n cynnwys cynhwysion a all achosi difrod i’r amgylchedd.

2) Ailgylchu Defnyddiau Gwastraff

Mae Prosiect Féile Clai’n ymroddedig i weithredu er mwyn hybu cynllun ailgylchu mewnol yn ogystal ag i annog ailgylchu yn y gymuned ehangach.

• Cynhelir, a lle bynnag y bydd modd atgyfnerthir, gyswllt â mentrau lleol sy’n ymwneud ag ailgylchu a lleihau gwastraff.

• Bydd offer swyddfa ac eitemau eraill heb eu defnyddio a ddynodir yn wastraff yn cael eu hailgylchu trwy sefydliadau perthnasol lle bynnag y bydd modd.

• Darperir mannau ar gyfer ailgylchu papur neu gerdyn.

• Lleiheir printio trwy ddefnyddio e-bost a chyfleusterau TGCh.

• Darperir a hybir mannau ar gyfer ailgylchu gwydr.

• Darperir a hybir mannau ar gyfer ailgylchu alwminiwm a chaniau deufetel.

3) Unrhyw Ffactorau Ychwanegol

• Hybir defnyddio cludiant cyhoeddus i’r holl staff.

• Anogir defnyddio cynhyrchion arbed ynni fel bylbiau golau.

• Bydd gwres a golau’n cael eu monitro rhag gorddefnyddio a all amharu ar yr amgylchedd.

• Anogir defnyddio cynadledda fideo er mwyn lleihau teithio.

• Arferir dulliau cadwraeth wrth ddefnyddio dwr lle bynnag y bydd modd.